ZIANGRUANGAH PATHIAN DAITEN A UM?

ZIANGRUANGAH PATHIAN DAITEN A UM?

(Why is God Silent?) 

Matt 15:21-28; John 11:4

Kum 1980 lai a liam cia mi kum ah mitampi ih thinlung rak nehzet tu tlangval hmeltha le rinum-felzet pakhat a rak um. Nikhat cu a Pa in hnatuan afial mi tuan ding in an khua cu suahsan in a feh. A fehnak lam tluan le a hnatuannak hmun cu mizarawi rak um nak hmun pawl an rak si: In ei ding ti cawk lo nei an rak um vek in zinglam rawl voikhat te ei ding hman nei lo mitampi an rak um ve, cun Laitlun nomnak ah mitampi nuamzet in an rak hman lai ah nom duh ve zet ko na in rak nuam aw thei lo mi, natnak phunkim tuar mi mitampi an rak um ve. Cumi ram ih a rak um ve mi nunau pakhat cu zianghman ruahsanding nei nawn lo, beidong vansang in cui tlangval hmeltha, rinum-felzet pa ih ke hram ah cun bok ta hrat in a tap ciam co

A TANGLAIMI KAN NUNNAK HI MAN NEIZET SIDING IN ZIANGTIN KAN TUAH PEI?

A TANGLAIMI KAN NUNNAK HI MAN NEIZET SIDING IN ZIANGTIN KAN TUAH PEI?

BIBLE: “Cuhnak in Pathian Uknak le a Felnak hawl hmaisa sawn uhla thil dang hmuah-hmuah cu a lo pebeet ding a si,” Matthai 6:33.

THUHMAIHRUAI

Leitlunah mitampi cun hitin an tong theu, zirding ah kei cu ka tartuk zo an ti. Asinan zirding ah a tartuk zo ti a um lo (Saam 90:12). Mifim tampi in minung ih nunnak hi sumpai (dollar bill) tampi thawn a bang awk tin an hmu. Minung pawl in sumpai kan hman tik ah lamzin pahnih lawng a um; na khawl ding maw, na cemral ter ding. Cuvek in minunng pawl in kan nunnak khal man neizet in kan hmang ding maw, maw kan cemral ter men ding. Tuini ah unau nang kum 6 maw 60 maw, na dam maw, dam lo maw, na lian maw lianlo maw ti a thupi lem lo, cuhnak in a tanglaimi kan nunnak hi man neizet in kan tuah ding hi a thupi sawn mi a si. Cucu kan duh a si le kan tuah thei  asi.